🌎️ Гадаад зах зээлийн судалгаа №11

Шилдэг ХК-уудын 2024 оны эхний тайлангууд үргэлжилсээр байгаа тул 7 хоногт мөн хөрөнгө оруулагчдын анхаарлын төвд байдаг ХК-уудаар энэхүү дугаарт бэлтгэлээ. Үүнд: Lyft, Walt Disney, Rivian, Palantir

Lyft компани эхний улиралд борлуулалт өмнөх оноос 27%-иар өсөж $1.28 тэрбумд хүрсэн бол нэгж хувьцаанд ногдох алдагдал $0.50-с $0.08 болж буурсан байна.

📕 Онцлох үзүүлэлтүүд:

• Чөлөөт мөнгөн урсгал өмнөх улирлаас $14.94 саяар нэмэгдэж $127.1 саяд хүрэв. Ингэснээр 2 улирал дараалан эерэг мөнгөн урсгалтай гарчээ.

• Идэвхтэй жолоочид өмнөх оноос 2.35 саяар нэмэгдэж 21.9 саяд хүрэв.

• 188 сая жолоодлого хийж өмнөх оноос 23%-иар өсөв.

• Канад дахь жолоодлого 2 дахин нэмэгджээ.

🚀  Жилд 94%

Компанийн тайлан гарсны дараагаар хувьцааны ханш арилжааны дараах цагаар 6.3%-иар өсөж $17.65 дээр хаагдсан байна. Түүнчлэн компанийн хувьцаа сүүлийн 1 жилийн хугацаанд 94%-иар өсөөд байгаа юм.

Disney+ үзэгчид буурчээ

Тайлангийн дараа хувьцааны ханш 10% уналаа. 2023 оны мөн үед $21.8 тэрбумын орлоготой байсан Walt Disney өнгөрсөн улиралд $22.1 тэрбумын борлуулалт хийсэн ба энэ нь ердөө 1%-ийн өсөлт юм.

📙 Орлогын задаргаа /Oрлогод эзлэх хувьд :

• Үзвэр үйлчилгээ $9.8 тэрбум /44%

• Спорт $4.3 тэрбум / 19%

• Тоглоом $8.3 тэрбум / 37%

Хөрөнгө оруулагчдын урмыг хугалсан зүйл бол компанийн кино, стриминг, телевизийн өмчийг багтаасан энтертайнментийн хэлтэс байв. Орлогын дийлэнх хувийг бүрдүүлэгч “Үзвэр үйлчилгээний хэлтс”-ийн борлуулалт өмнөх оноос 5%-иар, улирлаас 2%-иар тус тус буурч, $9.8 тэрбум болжээ.

Тодруулбал, Disney+ стриминг бизнес нь Уолл Стритийн шинжээчдийн таамаглаж байснаас цөөн хэрэглэгчтэй байсан бөгөөд хүлээгдэж буй 154.5 саяас 153.6 саяд хүрчээ.

💫 2024 оны онцлох үйл явдлууд:

• Тус компани нь $8 тэрбумын чөлөөт мөнгөн урсгалыг бий болгохоор зорьж байгаа.

• Он гарснаар $1 тэрбумын хувьцаагаа эргүүлэн худалдаж авсан бөгөөд цаашдаа ч нэмж худалдаж авахаар төлөвлөж байна.

• Нэгж хувьцаанд ногдох ашиг жилийн өмнөхөөс 30% өссөн

• ESPN жилийн эцэс гэхэд Disney+ орж, 2025 оны намар шинэ бие даасан ESPN стриминг үйлчилгээг эхлүүлнэ.

• Үзэгчдийн хүлээлт өндөр байгаа кинонууд нээлтээ хийнэ.

RIVIAN 1-р улирлын тайлан зарлагдлаа

Rivian Automative Inc.(NASDAQ:RIVN) 1-р улирлын тайлан гарснаар хувьцааны 5%-иар буурсан байна. Тодруулбал, Rivian эхний улиралд нэгж хувьцаанд ногдох алдагдлыг $1.24 тооцсон нь хүлээгдэж буй $1.15 алдагдлаас өндөр гарсан байна. Гэсэн хэдий ч тус компанийн 1-р улирлын орлого $1.2 тэрбумд хүрч, шинжээчдийн $1.15 тэрбум гэсэн таамаглалаас давжээ.

Тус компани цахим хяналтын нэгжийн тоог 60 орчим хувиар бууруулахад ихээхэн ахиц дэвшил гаргасан бөгөөд энэ нь тээврийн хэрэгслийн зардлыг мэдэгдэхүйц бууруулсан байна.

📘 Онцлох үзүүлэлтүүд:

• Зах зээлийн үнэлгээ $10.2 тэрбум

• Орлого 1-р улирлын орлого $1.2 тэрбум

• Үйлдвэрлэсэн тээврийн хэрэгсэл 13,980

• Борлуулагдсан тээврийн хэрэгсэл 13,588

• Нийт ашиг (-$527) сая

• Борлуулалт сүүлийн 12 сард 167%-р өссөн.

R2, R3, R3X бүтээгдэхүүнүүдийг багтаасан Rivian-ийн шинэ дунд оврын платформыг 2026 оны эхний хагаст нийлүүлж эхлэх гэж байгаагаа мэдэгдсэн. Компанийн энэ оны эцэст санхүүгийн үр дүнг эерэгээр харж байгаа бөгөөд дөрөвдүгээр улиралд ашигтай ажиллахаа мэдэгдлээ.
Rivan R2 зах зээлд нэвтрүүлснээр $2.75 тэрбумын зардал хэмнэхээр тооцолсон байна.

Palantir Technologies (NYSE: PLTR) хувьцааны ханш тайлангийн дараа уналаа. Хэдий компанйин борлууалт нэмэгдсэн ч 2024 оны орлогын таамгаг шинжээчдийн хүлээлтээс доогуур байснаас үүдэлтэй байна.

📗 Онцлох үзүүлэлт:

• Орлого - $634 саяын борлуулалт хийж өмны мөн үеэс 21% өссөн

• Цэвэр ашиг - $105.5 сая буюу 527.98% өсөн байна өмнөх оны мөн үеэс

• Rule of 40 - компанийн борлуулалтын өсөлт болон ашгийн маржины нийлбэр 57% буюу өмнөх жилээс 13% нэмэгджээ

📏 Rule of 40 - Мэдээлэл технологийн компаниудад(SaaS) дээр хэрэглэгддэг энэхүү үзүүлэлт нь орлогын өсөлт болон ашгийн маржины нийлбэр хувь юм. Ижил төстэй үйл ажиллагаа эрхэлж буй эдгээр компаниудын санхүүгийн байдлыг тодорхойлоход ашиглагддаг байна.

🐉 2024 онд, шинжээчид компанийг $2.71 тэрбумын борлуулалт хийнэ гэсэн таамаглал дэвшүүлээд байсан бол удирдлагын зүгээс 2024 оны орлогын таамгийг $2.677-$2.689 тэрбумын хооронд байна гэснээс үүдэлтэй хувьцааны ханш 15% буурчээ.