👑 Шилдгүүдийн 1-р улирлын тайлан 1/2

Улирлын тайлангийн хураангуй 1/2

Дэлхийн шилдэг ХК-уудын улирлын тайлангууд гарч, хөрөнгийн зах зээлд хөл хөдөлгөөн ихтэй байна. Хөрөнгө оруулагчдын сайн мэдэх компаниудын тайлангийн хураангуйг бэлтгэн хүргэж байна.

Үүнд: Tesla, Meta, PayPal болон Super Micro

 🚗Tesla - Санхүү буурсан ч хувьцаа өснө

Magnificent 7 хувьцааны нэг Tesla 2024 онд улирлын тайлангийн өмнө 30% буураад байсан. Тухайлбал тэд 2024 оны 1-р улиралд тэд 433,371 машин үйлдвэрлэж, 386,810 машин дэлхийн хэмжээнд нийлүүлсэн ба нийт $21.3 тэрбумын борлуулалт хийжээ. Борлуулалт өнгөрсөн оны мөн үеэс 9% буурсан ба 2012 оноос хойших хамгийн их буурсан үзүүлэлт юм.

Яагаад? Өрсөлдөгч Хятад компаниуд хямд үнээр цахилгаан автомашин үйлдвэрлэхийн зэрэгцээ бодлогын хүү буюу зээлийн хүү нэмэгдсэн нь компанийн үзүүлэлтэд сөргөөр нөлөөлжээ.

📖 Санхүүгийн голлох үзүүлэлтүүд:

• Автомашины борлуулалт - $17.38 тэрбум хүрч өмнөх оноос 13% буурсан

• Орлого - $21.30 тэрбумын борлуулалт хийж оны мөн үеэс 9% буурсан

• Цэвэр ашиг - $1.13 тэрбум буюу 55% буурсан байна

• Чөлөөт мөнгөн урсгал -($2.53) тэрбум буюу 674% буурчээ 😨 

🤔 Хэдий компанийн үзүүлэлт бууралттай гарсан ч тайлангийн дараа Elon Musk илүү хямд цахилгаан машин гарах талаар мэдэгдсэн ба Full Self Driving(FSD)-д илүү ач холбогдол өгнө гэж мэдэгдсэний улмаас хувьцааны ханш 12% өссөн.

🤖 META - Сайн тайлантай ч ханш нь уначих үед

Дэлхийн хамгийн том цахим сүлжээний платформ болох Meta-ийн тайлан маш сайн гарсан ч хувьцааны ханш буурсан. Meta нь Facebook, Instagram, Viber болон Snapchat-ийн толгой компани юм.

📖 Онцлох тоонууд:

• DAP(идэвхтэй харилцагчдын тоо) - 3.24 тэрбум хүрч өмнөх оноос 7% өссөн

• Орлого - $36.46 тэрбумын борлуулалт хийж өмнөх оны мөн үеэс 27% өссөн

• Цэвэр ашиг - $12.37 тэрбум буюу 117% өссөн байна

• Бусад - $14.64 тэрбумд хувьцаагаа худалдаж авсан ба $1.27 тэрбумын ноогдол ашиг тараасан

Санхүүгийн энэхүү үзүүлэлт нь Wall Street-ийн шинжээчдийн таамгийг хүртэл давсан ч хувьцааны ханш тайлангийн дараа 10% буурчээ.

Яагаад? Тайланг танилцуулах үеэр ирэх улирлын борлуулалтын таамгийг бууруулж, AI болон Metaverse хөгжүүлэхтэй холбоотой зардал нэмэгдэнэ гэж мэдэгдсэнээс үүдэлтэй байна.

Цаашдаа яах вэ?

🤖 AI хөгжсөөр, Llama 3 буюу тэдний хөгжүүлж буй AI төсөл амжилттай байгаа гэж Mark Zuckerberg мэдэгдсэн.

🌍️ Зах зээл тэлнэ, компанийн чухал өрсөлдөгчдийн нэг болох TikTok-ийг АНУ-ын газар нутагт ашиглахыг хориглох шийдвэр батлагдсанаар идэвхтэй хэрэглэгчдийн тоо нэмэгдэх хандлагатай байна.

💳 PYPL $66.16 - Орлого болон цэвэр ашиг өсөв 👏

PayPal компани эхний улиралд борлуулалт 9%-иар цэвэр ашиг 27%-иар тус тус өссөн байна. Тус компанийн гүйлгээний ашиг $3.5 тэрбумд хүрч, өмнөх оноос 4%-иар өсжээ.

📖 Зарим голлох үзүүлэлтүүд:

• Идэвхтэй данс өмнөх улирлаас 1 саяар нэмэгдэж 427 сая болсон нь 2022 оны сүүлээс хойших анхны дараалсан өсөлт болжээ.

• Мерчантуудаар дамжсан төлбөрийн нийт хэмжээ 14%-иар өсөж $403.9 тэрбумд хүрчээ.

• 1-р улиралд $1.5 тэрбумын хувьцааг халаасалсан. 2024 онд нийтдээ $5 тэрбумын үнэлгээ бүхий хувьцаа халааслахаар төлөвлөж байна.

• Компанийн 1-р улирлын үзүүлэлт өсөлттэй байсан тул удирдлагын зүгээс 2024 оны ашгийн төлөвөө нэмэгдүүлсэн.

• Мэдээний дараагаар хувьцааны ханш 1.4%-иар өсөж 67.92-д хүрсэн байна.

🖥️ SMCI $738.3 - Орлого хүлээлтэд хүрээгүй тул 14%-иар ханш унав 😱

Super Micro Computer компани 3-р улиралд өмнөх оны мөн үетэй харьцуулахад борлуулалт 200% өсөж $3.85 тэрбумд, цэвэр ашиг 4.7 дахин өсөж $402.5 саяд хүрсэн хэдий ч борлуулалт шинжээчдийн таамагт хүрээгүй тул хувьцааны ханш 14%-иар унасан байна.

14%-иар унасан хэдий ч оны өмнөөс 158 орчим хувиар өссөнөөс гадна 3-р сард S&P 500 индексэд багтсан нь тэдний хувьд томоохон амжилт болсон юм.

🏦 Barclays компани тайлангийн дараа тэдний ханшийн зорилтыг бага хэмжээгээр нэмэгдүүлж $1,000 болгосон бол бусад банкнуудын хувьд ханшийн зорилтыг бууруулсан байна.